Atkomumøguleikar

Hevur tú sólblómuband? Vit eru til reiðar at hjálpa tær.

Norðurlandahúsið er við í sólblómuskipanini, sum stuðlar fólki, ið hava ósjónligar avbjóðingar. Tað ber í sær, at okkara starvsfólk hava førleika at hjálpa gestum, ið hava sólblómuband.

Sólblómubandið kunnu øll hava, sum á onkran hátt hava avbjóðingar, sum eru ósjónligar, t.d. ADHD, Tourettes, autismu, heilaskaða, angist og minnissvinn. Við sólblómubandinum vísir tú okkum, at tú kanska hevur tørv á tíð, toli ella hjálp.

Tú fært sólblómubandið í móttøkuni. Sólblómubandið er ókeypis, og tú gert sjálv/-ur av, nær tú brúkar tað, so vit síggja tín tørv.

Tú kanst lesa meira um sólblómuskipanina her: Sólblómuskipanin

Norðurlandahúsið hevur góðar atkomumøguleikar. Koyristólar kunnu koyra inn í øll rúmini í húsinum, handikappvesi er í forhøllini og við Skálan, og tvey avmerkt parkeringspláss eru beint við høvuðsdyrnar.

Hevur tú tørv á fylgjara til eitt tiltak, har tú mást hava atgongumerki, og hevur tú fylgjarakort, kanst tú fáa eitt ókeypis atgongumerki til fylgjaran, tá tú keypir atgongumerki til eitt tiltak. Vendið tykkum til okkara á nlh@nlh.fo, tlf 351351 ella til móttøkuna í Norðurlandahúsinum.

Hoyrnarlykkja er í Høllini (røð D-K) og í Klingruni.