Ætlar tú at søkja um stuðul til eina norðurlendska mentanarverkætlan?

Hevur tú okkurt gott hugskot til eina norðurlendska mentanarverkætlan ella eitt norðurlendskt mentanarsamstarv? Tú kanst søkja um stuðul til at gera hugskotið til veruleika.

Her í Norðurlandahúsinum kanst tú fáa persónliga vegleiðing um, hvussu tú søkir peningaligan stuðul frá hesum grunnum:

Nordisk Kulturfond
Nordisk Kulturkontakt
NAPAs kulturstøtteprogram
Nordisk Film og TV Fond
Norden 0-30

Vilt tú vita meira? Vælkomin at seta teg í samband við Turið Johannessen á turid@nlh.fo ella 22 72 12.

Flogferðir úr Føroyum
Føroysk listafólk, sum vilja sýna fram sína list uttanlands, kunnu søkja um stuðul til flogferðirnar við Atlantic Airways hjá Loftbrúnni.

Ferðastuðul til sjálvboðin
Um so er, at tú arbeiðir sum sjálvboðin í Føroyum og hevur tørv á at fara á skeið, ráðstevnu, samstarvsfundir ella líknandi í einum øðrum norðurlendskum landi, kanst tú søkja um stuðul til ferðina (í mesta lagi kr 2.700) frá Norðurlandahúsinum.

Tú ert vælkomin at skriva til okkara á nlh@nlh.fo og greiða okkum frá tínum ætlanum, hvar tú ætlar tær, og hví tað er neyðugt at tú fert, og hvat tú vónar at hava við tær heimaftur til Føroya.

Vit svara so hvørt. Um tú fært játtað stuðul, verður hann útgoldin, tá tú hevur sent okkum kvittanir uppá ferðina við telduposti. Minst til at viðmerkja teldupostin "Sjálvboðin í Norðurlondum".