Norðurlandahúsið í Føroyum søkir eftir móttøkufólki til hálvtíðarstarv  

Tú ert tann fyrsti, kundar og gestir hitta, tá teir ringja, skriva ella koma í Norðurlandahúsið.  

Tú hevur gott yvirlit, ert blíð/ur og fyrikomandi. Tú megnar væl at handfara nógvar ymiskar uppgávur og menniskju í arbeiðsdegnum. Tú dugur væl at laga teg til ymsar umstøður, ert ágrýtin og megnar at arbeiða undir trýsti.  

Arbeiðsuppgávur:   
Vanligt móttøkuarbeiði so sum at svara telduposti og telefonini, selja atgongumerki og handilsvøru, samskifta við gestir og samstarvsfelagir, dagføra ymsar kunningarpallar, vanliga kundatænastu, tekstaframleiðslu, umframt annað fyrifallandi skrivstovuarbeiði. 

Førleikar: 

  • Móttøkuútbúgving, skrivstovuútbúgving ella líknandi (royndir kunnu viga tyngri enn útbúgving)    
  • Góðan KT-førleika  
  • Góðan málkunnleika. Tú tosar og skrivar føroyskt og eitt skandinaviskt mál á høgum stigi, og dugur enskt í skrift og talu.

Vit vænta, at tú:

  • Megnar at arbeiða sjálvstøðugt  
  • Ert tænastusinnað/ur  
  • Ert fleksibul   
  • Ert væl skipað/ur
  • Ert opin fyri nýggjum avbjóðingum  
  • Megnar at handfara nógvar ymiskar uppgávur og menniskju í arbeiðsdegnum.

Vit kunnu bjóða tær eitt starv í einum spennandi og livandi arbeiðsumhvørvi, har eingin dagur er eins, og har vit stremba eftir at mennast - bæði sum starvsfólk og sum stovnur. 

Lønar- og setanarviðurskifti:  
Løn og setan eru sambært avtalu millum Fíggjarmálaráðið, Starvsmannafelagið og Norðurlendska Ráðharraráðið. Starvið verður lønt eftir 3. lønarflokki .

Starvið er tíðaravmarkað við fýra ára sáttmála, har møguleiki er at leingja við fýra árum afturat. Vit stremba eftir at hava javnt kynsbýti.

Talan er um eitt hálvtíðarstarv (50%), við møguleika fyri fleiri arbeiðstímum, um ein ynskir. Arbeiðstíðin er aðru hvørja viku seinnapart og kvøld umframt fylgjandi vikuskifti. Vanliga frá kl.13.30 gerandisdagar, frá kl. 09:30 leygardag, og frá kl. 11:30 sunnudag.

Vit ynskja, at tann, ið verður sett/ur, tekur við starvinum skjótast gjørligt. 

Send okkum tína umsókn og CV í seinasta lagi 28. august 2022 kl. 19.00. Vit taka einans ímóti umsóknum umvegis umsóknarportalin hjá Norðurlendska Ráharraráðnum.

Hevur tú spurningar um starvið, kanst tú seta teg í samband við Gunn Hernes, stjóra, á  teldupostadressuni gunn@nlh.fo ella við at ringja til móttøkuna á tlf. 351351.   

Um Norðurlandahúsið í Føroyum: 
Norðurlandahúsið í Føroyum er ein mentanarstovnur undir Norðurlendska Ráðharraráðnum og Føroya Landsstýri. Høvuðsuppgávurnar í Norðurlandahúsinum eru at fáa í lag norðurlendska list og mentan í Føroyum og styrkja føroyska list og føroyskt mentanarlív lokalt, í norðurlondum og í verðini. Vit hava eitt fjølbroytt skrávirksemi, sum fevnir um tónleik, bókmentir, leiklist, film, visuella list, fyrilestrar, ráðstevnur v.m. Vit eru 14 starvsfólk í stovninum við áleið 350 tiltøkum um árið. 

 

Upp aftur